Dende 1998, a empresa E&M Asesores presta servizos de asesoría contable, laboral e fiscal a particulares e pemes con base en Pontevedra, aos que orienta e asesora de forma moi próxima e co máximo rigor. O seu equipo de profesionais altamente cualificados ofrece asesoramento no proceso da creación dunha empresa, desenvolvendo un plan de negocio que axuda a valorar a súa viabilidade, así como a conseguir financiamento e posibles subvencións para levá-lo a cabo.
A crise da Covid-19 afectou tanto ao ámbito de asesoría da empresa como a moitos dos seus clientes. Por iso, tiveron que recorrer á axuda de Sogarpo que, a través da liña Igape Covid, facilitou financiamento grazas ao cal E&M Asesores puido manter a súa actividade e conservar numerosos postos de traballo.
Para Elisa González Pérez, administradora de E&M Asesores, o apoio de Sogarpo supuxo unha bomba de oxíxeno para a empresa nesta etapa tan complicada. “Agradecemos a Sogarpo o seu apoio á nosa asesoría e aos seus clientes na época máis dura da pandemia. Bo traballo”, afirma González.
Dende a nosa fundación en 1981, apoiamos a emprendedores, autónomos e pemes para conseguir o mellor financiamento para o seu negocio.
Sogarpo desempeña un papel crucial no impulso das pemes, motor fundamental do noso armazón empresarial. Servimos como guía para que o seu desenvolvemento flúa con éxito, contribuíndo significativamente á economía galega.
1
Novos
Socios
1M€
Formalizado
acumulado
1M€
Risco
Vivo
Sogarpo apoia operacións para PEMES e autónomos con sede en Galicia.
Debe estar ao corrente de pagos coas Administracións Públicas e non estar en situación de concurso de acredores ou en causa de disolución legal.
