"Un dos maiores honores da vida é coidar daquelas persoas que unha vez coidaron de nós". Este é o lema do Centro de Vida Arousa, un Centro de Día situado en A Illa de Arousa (Pontevedra), que conta cun equipo profesional e unhas instalacións totalmente preparadas para a atención aos maiores da Comarca do Salnés.
O seu principal obxectivo é traballar día a día para que o centro sexa un referente na atención integral personalizada ás persoas maiores ou en situación de dependencia da comarca e no acompañamento psicolóxico ás súas familias e/ou coidadores, aos que tamén se lles facilita a conciliación, tanto laboral como familiar. "Caracterízanos a proximidade e o trato persoal que prestamos aos usuarios e ás súas familias, dando resposta ás súas necesidades individuais", asegura María, unha das administradoras do centro.
Detrás do proxecto están Esther Vázquez, María Recuna e Valeria Filgueira, tres emprendedoras cun mesmo soño: "Pór en marcha un Centro de Día onde poder aplicar todo o coñecemento e experiencia adquiridos na nosa vida laboral e poñelo en valor nun proxecto que tratamos con moito coidado, comezando desde cero ata a tan desexada apertura do centro".
"Para poder levar a cabo este proxecto, foi indispensable contar co apoio de Sogarpo, que nos axudou na tramitación da financiación e nos pasos iniciais do proxecto empresarial, que finalmente se fixo realidade", explica Esther, outra das administradoras do Centro de Vida Arousa.
Dende a nosa fundación en 1981, apoiamos a emprendedores, autónomos e pemes para conseguir o mellor financiamento para o seu negocio.
Sogarpo desempeña un papel crucial no impulso das pemes, motor fundamental do noso armazón empresarial. Servimos como guía para que o seu desenvolvemento flúa con éxito, contribuíndo significativamente á economía galega.
1
Novos
Socios
1M€
Formalizado
acumulado
1M€
Risco
Vivo
Sogarpo apoia operacións para PEMES e autónomos con sede en Galicia.
Debe estar ao corrente de pagos coas Administracións Públicas e non estar en situación de concurso de acredores ou en causa de disolución legal.
