EuroXogal, S.L. é unha empresa galega de mecanizados que se dedica á fabricación de pezas, sendo especialistas naquelas que precisan de pre-mecanizado, soldadura e post-mecanizado. Para iso, dispoñen dun completo equipo de maquinaria co que atenden as necesidades de clientes de diversos sectores como o manufacturero, naval ou a minería.
Dende que iniciou a súa actividade no ano 2017, non pararon de crecer, en gran parte grazas ao esforzo e compromiso dos seus socios, Iolanda González e Miguel Ángel Valcárcel, que están totalmente involucrados neste proxecto empresarial.
Sogarpo acompañou á empresa dende os seus inicios. Foi, precisamente, na etapa inicial cando EuroXogal contou co apoio da SGR na adquisición de maquinaria imprescindible para o desenvolvemento da súa actividade.
"Para nós, o apoio de Sogarpo e a súa confianza no proxecto foron fundamentais para mellorar o proceso produtivo da empresa e impulsar o seu crecemento", asegura Iolanda González. "Sen dúbida, recomendaríamos os servizos de Sogarpo a outros empresarios que busquen financiamento para os seus proxectos", engade.
Dende a nosa fundación en 1981, apoiamos a emprendedores, autónomos e pemes para conseguir o mellor financiamento para o seu negocio.
Sogarpo desempeña un papel crucial no impulso das pemes, motor fundamental do noso armazón empresarial. Servimos como guía para que o seu desenvolvemento flúa con éxito, contribuíndo significativamente á economía galega.
1
Novos
Socios
1M€
Formalizado
acumulado
1M€
Risco
Vivo
Sogarpo apoia operacións para PEMES e autónomos con sede en Galicia.
Debe estar ao corrente de pagos coas Administracións Públicas e non estar en situación de concurso de acredores ou en causa de disolución legal.
