O financiamento canalizado polas SGR xerou unha inversión de 3.194 millóns de euros na economía e beneficia xa a máis de 191.000 empresas.

As sociedades de garantía recíproca (SGR) que operan en España facilitaron 2.457 millóns de euros en financiamento a pemes e persoas autónomas entre xaneiro e setembro de 2026, un 10 % máis que no mesmo períoso do exercicio anterior. Así o recolle o último balance publicado pola Confederación Española de Sociedades de Garantía (CESGAR).

Os avais concedidos xeraron unha inversión de 3.194 millóns de euros na economía. Ademais, o risco vivo do sistema —o importe dos créditos e préstamos que as SGR manteñen activos— acada os 8.872 millóns de euros, un 7 % máis que en setembro de 2025. En conxunto, a actividade das sociedades de garantía beneficia xa a 191.228 pemes, persoas autónomas e emprendedoras, e contribúe ao mantemento de máis de 1,2 millóns de postos de traballo.

Un instrumento clave para o financiamento empresarial

Nun escenario de incerteza económica e aumento dos custos, especialmente para as empresas de menor tamaño e sectores con maior consumo enerxético, as sociedades de garantía reafirman o seu papel como instrumento clave para facilitar o acceso ao financiamento.

Como sinala José Pedro Salcedo, presidente de SGR-CESGAR: «Neste complexo escenario para as pemes, as sociedades de garantía seguimos á fronte do financiamento empresarial, impulsando proxectos viables de pemes que xeran riqueza na nosa economía».

Nesta tarefa tamén desempeña un papel fundamental o reaval de CERSA (Compañía Española de Reafianzamento), que contribúe a reforzar a capacidade de actuación das sociedades de garantía. A súa participación tamén foi relevante para canalizar os Fondos Next Generation EU: desde 2021, as SGR  facilitaron 11.743 milóns de euros procedentes destes fondos a preto de 50.400 pemes e autónomos, apoiando especialmente proxectos de dixitalización, sostibilidade e mellora da competitividade.

Que empresas e sectores reciben estes avais?

Os datos de CESGAR correspondentes ós nove primeiros meses de 2026 permiten coñecer tamén o destino do financiamento e o perfil das empresas beneficiarias:
● Por tipo de aval: os avais financieiros representan o 88,5 % da actividade. Dentro deles os destinados a inversión concentran o 48,5 % do importe formalizado, mentre que os de circulante supoñen o 37,1 %.
● Por sectores: Servizos encabeza o financiamento recibido, co 49,2 % do importe concedido. Séguenlle Comercio (17,9 %), Industria (17,5 %), Construcción (9,5 %) e sector Primario (5,8 %).
● Por tamaño empresarial: as micropemes representan o 74 % das empresas beneficiarias. Inclúense todas as empresas con menos de 50 persoas traballadoras, a porcentaxe ascende ao 94,5 %.
● Apoio ao emprendemento: as persoas emprendedoras representan xa o 20,2 % das empresas beneficiadas.

Estes resultados poñen de manifiesto a contribución das sociedades de garantía ao desenvolvemento do tecido  empresarial, especialmente das pequenas empresas, facilitando recursos para investir, impulsar a súa actividade e afrontar novos proxectos.

SOGARPO, como sociedade de garantía recíproca galega, forma parte deste sistema e traballa para facilitar o acceso ao financiamento de pemes, persoas autónomas e proxectos empresariais de Galicia.