A xunta xeral da SGR galega valorou os resultados de 2025, o noveno exercicio consecutivo con crecementos en todas as magnitudes clave, e fixou o obxectivo de seguir fomentando a intermediación empresarial no seu ano do 45 aniversario.

A estabilidade do sistema de financiamento empresarial en Galicia, o compromiso das Administracións co produto público e o ímpeto investidor das empresas protagonizaron a xunta xeral ordinaria de Sogarpo, celebrada o 10 de xuño na sede da Confederación de Empresarios de Pontevedra en Vigo.
O presidente Artur Yuste sinalou que “a gran característica do sector é a estabilidade, a pesar de que representa un forte contraste co escenario global. Existe inxección de produto público, hai ímpeto investidor desde as empresas e está en auxe a demanda de financiamento, así que se manteñen as boas condiciróns para que perdure o crecemento de actividade dentro do sistema de garantías”.

Noveno ano consecutivo de crecemento
A asemblea respaldou os resultados de 2025: máis de 800 avais formalizados, por valor de 70,8 millóns de euros, cunha investimento inducida de 89,1 millóns e 8.679 empregos consolidados en case 700 empresas. O risco vivo —avais en vigor— acadou os 217,9 millóns, un 13% máis que ao peche de 2024.
En perspectiva, os datos son aínda máis significativos: en só catro anos, entre 2021 e 2025, Sogarpo duplicou o importe avalado (+109%) e o investimento inxectado na economía galega (+113%).

O binómio Sogarpo-IGAPE, motor do crecemento
As liñas IGAPE xeraron en 2025 o 77% do volume total da sociedade: 54,6 millóns en importe avalado, 63,1 millóns en investimento inducida e 5.300 empregos consolidados en 406 empresas, con incrementos interanuais do 22% en emprego e do 18% en empresas beneficiarias.
“As cifras confirman que a maior oferta, cobertura e dimensión de produto público é o elemento clave para o crecemento da actividade financeira dirixida ás pemes”, afirmou Yuste.

O convenio coa Deputación de Ourense, modelo a estender
O acordo coa Deputación de Ourense acumula xa case 200 avais, 14,5 millóns de importe concedido e 1.077 empregos consolidados en 171 empresas. A xunta destacou este “modelo de coordinación” entre entidades como un exemplo que debería estenderse a outras institucioóns.
Regresa a hexemonía do investimento
En 2025, o 55,4% dos avais concedidos destinouse a investimento empresarial, fronte ao 39,8% para circulante. Un cambio de tendencia significativo que a asemblea valorou especialmente no actual contexto de incerteza internacional.

45 anos mirando ao futuro
2026 é o ano do 45 aniversario de Sogarpo. O presidente pechou a asemblea cun mensaxe claro: “Familiarizámonos cos récords e non queremos baixarnos xusto agora, nun momento tan crucial para as empresas e para a economía. A nosa mellor garantía son os 8.617 socios partícipes que nos permitiron construir un emocionante relato desde 1981.”